Учора ў другой палове дня і вечарам непагадзь прайшлася спачатку па Брэсцкай, а потым і па Гомельскай абласцях.
У Драгічыне парывам ветру знесла навес летняга кафэ, піша Tut.by
А ў шэрагу раёнаў прайшоў моцны град
У Пінску вецер «садзьмуў» плот і паваліў некалькі дрэў у дварах і на трасе, якая звязвае райцэнтр з вёскай Дубое. Акрамя таго, заваліла і чыгуначныя рэйкі, з-за чаго не мог праехаць дызель-цягнік. Дапамагаць расчышчаць шлях выйшлі пасажыры.
У Іванаве пацярпеў Напалеон Орда, помніку адарвала руку
З-за непагадзі парушалася электразабеспячэнне ў Пінскім, Баранавіцкім, Івацэвіцкім, Драгічынскім і Іванаўскім раёнах. Без электрычнасці засталіся 200 населеных пунктаў, 50 ферм.
Затым бура дабралася да Гомельшчыны. У Гомелі яна бушавала тры гадзіны.
Моцны вецер перакульваў прыпынкі, дзіцячыя арэлі, зрываў з дамоў шыфер і раскідваў на дзясяткі метраў па акрузе. Знёс нават частку Прудкоўскага рынку
У Жыткавічах бура сарвала з мясцовай гасцініцы дах. Шыфер паляцеў на праезную частку. Па шчаслівай выпадковасці абышлося без пацярпелых.
У Хойніках, Добрушы, Мазыры, Светлагорску і Рэчыцы - такая ж карціна.
Цяпер чытаюць
Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў10
Каментары