Пра тое, што памёр прэзідэнт Туркменістана Гурбангулы Бердымухамедаў, паведаміла радыёстанцыя «Говорит Москва» са спасылкай на дырэктара Цэнтра маніторынгу еўразійскіх праблем Аслана Рубаева.
Паводле яго слоў, пра смерць прэзідэнта Туркменістана паведамілі бізнэсмены, якія працуюць у Ашхабадзе. «Калі спытаў, ці сапраўды, яны сказалі: ёсць знаёмыя, якія працуюць у спецслужбах, яны перадаюць, што гэта так, што гэта адбылося, калі ён выйшаў у адпачынак», — сказаў Рубаеў.
Гурбангулы Бердымухамедаў пайшоў у адпачынак 15 ліпеня. Першыя паведамленні пра яго смерць з'явіліся ў Telegram-канале ElMurid, якія спецыялізуецца на асвятленні падзеі ў арабскіх краінах, звяртае ўвагу lenta.ru
Раней YouTube-канал «Свабодны Туркменістан» са спасылкай на карэспандэнтаў у Ашхабадзе паведаміў, што палітык памёр 20 ліпеня. Прычынай смерці назвалі вострую нырачную недастатковасць.
Гурбангулы Бердымухамедаў узначаліў Туркменістан у канцы 2006 года. Яму 62 гады. Бердымухамедаў таксама вядомы сваімі незвычайнымі захапленнямі — на працягу амаль 13 гадоў, што ён знаходзіцца ва ўладзе, кіраўнік дзяржавы неаднаразова вучыў генералаў стральбе і кіданню нажоў, іграў на гітары і піяніна, удзельнічаў у скачках, чытаў рэп, пісаў кнігі.
-
Жанчына з Тэнэсі выжыла пасля дзвюх смяротных ін'екцый падчас пакарання смерцю і была дастаўлена ў бальніцу
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
Каментары