Эстонія не будзе прызнаваць расійскія пашпарты, выдадзеныя на Данбасе
МЗС Эстоніі пастанавіў, што не будзе прызнаваць расійскія пашпарты, выдадзеныя жыхарам Данецкай і Луганскай абласцей Украіны пасля 24 красавіка 2019 года. Выключэнне — калі ўласнік такога пашпарта раней ужо быў грамадзянінам Расіі. Пастанова была прынятая 5 жніўня і ўступіла ў сілу, паведамляе прэс-служба ведамства.
Па словах міністра замежных спраў Эстоніі Урмаса Рэйнсалу, гэты крок — адказ на падпісаны ў красавіку прэзідэнтам Расіі рэгламент, які дазваляе аператыўна надаваць расійскае грамадзянства жыхарам Данецкай і Луганскай абласцей. «Наданне жыхарам усходняй Украіны паскоранага грамадзянства Расіі - яшчэ адна спроба падарваць незалежнасць Украіны і ўвекавечыць існуючую нестабільную сітуацыю ў сферы бяспекі на ўсходзе Украіны. Гэта цалкам супраць духу Мінскіх пагадненняў», - растлумачыў Рэйнсалу.
«Сённяшняе рашэнне Эстоніі адлюстроўвае наша прынцыповае асуджэнне амбіцый Расіі такога характару», - дадаў ён.
Раней Эстонія вырашыла не прызнаваць пашпарты Расійскай Федэрацыі, выдадзеныя ў Крыме і Севастопалі мясцовым жыхарам пасля 18 сакавіка 2014 года, калі ўласнік пашпарта раней не быў грамадзянінам Расіі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў18
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары