На 83-м годзе жыцця памёр футбольны функцыянер Леанід Гарай.
Майстар спорту СССР, заслужаны трэнер БССР у футбол пачаў гуляць у Брэсце ў школьнай камандзе ў 1953 годзе. Выступаў за мінскія «Спартак» і «Беларусь». Таксама ў яго кар'еры значацца мінская ФШМ, СКА (Мінск), «Спартак» (Брэст). Скончыўшы кар'еру, Леанід Паўлавіч на ўсё жыццё застаўся ў вялікім футболе. Трэніраваў брэсцкі «Спартак», быў начальнікам гэтай каманды. Затым стаў дырэктарам брэсцкай СДЮСШАР-5, начальнікам каманды «Дынама» (Брэст).
Пасля Леанід Гарай на 18 гадоў вярнуўся ў мінскае «Дынама», стаўшы начальнікам каманды, а затым старшынёй клуба. Менавіта ў гэты перыяд дынамаўцы дасягнулі ўсіх значных вяршынь, выйграўшы чэмпіянат СССР 1982 года, бронзу 1983-га.
У пачатку 2000-х Леанід Гарай працаваў у федэрацыі футбола ў ролі начальніка аддзела нацыянальнай і юнацкіх зборных каманд, начальніка ўпраўлення зборных каманд. З'яўляўся старшынёй дысцыплінарнага камітэта АБФФ, карэспандэнтам газеты «Спартыўная панарама».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі2
Каментары