Уначы 21 жніўня памёр Ілья Курган. Яму было 93 гады. Пра гэта TUT.BY паведамілі сваякі легендарнага дыктара.
Сапраўднае імя Ільі Кургана — Ілля Эйдэльман. Калі ў 1949 годзе ён прайшоў сярод амаль 100 кандыдатаў па конкурсе i быў прыняты дыктарам Беларускага Радыё, кіраўніцтва прапанавала яму афіцыйна памяняць прозвішча. На радыё ён прапрацаваў да 1990 года.
Ён таксама працаваў літаратурным кансультантам у Купалаўскім тэатры і Рэспубліканскім тэатры беларускай драматургіі, выкладаў на кафедры сцэнічнай мовы ў Беларускай акадэміі мастацтваў і Мінскім універсітэце культуры і мастацтваў.
Ілля Львовіч сышоў на пенсію толькі ў 87 гадоў.
«Гаворыць Мінск» — па гэтай фразе Іллю Кургана ведалі ўсе беларусы.
Каментары