У нядзелю ва ўзросце 77 гадоў памёр вядомы брытанскі паліттэхнолаг лорд Цім Бэл, які працаваў з Маргарэт Тэтчэр у 1979, 1983 і 1987 гадах, а таксама займаўся паляпшэннем іміджу Лукашэнкі ў 2008-2009 гадах. Таксама лорд Бэл у розныя гады кансультаваў Барыса Ельцына і Барыса Беразоўскага. Пра смерць лорда Бэла пасля непрацяглай хваробы паведаміла яго сям'я.
Цім Бэл нарадзіўся 18 кастрычніка 1941 года. У 1960-я ён працаваў у рэкламных і PR-фірмах, а ў 1970 годзе ўдзельнічаў у заснаванні рэкламнага агенцтва Saatchi & Saatchi, кіруючым дырэктарам якога быў доўгія гады. Стаўшы галоўным дарадцам па іміджы і перадвыбарчай кампаніі Маргарэт Тэтчэр. Лорд Бэл супрацоўнічаў з Кансерватыўнай партыяй і падчас выбараў 1983 і 1987 гадоў. Калі Маргарэт Тэтчэр была прэм'ер-міністрам, Цім Бэл быў узведзены ў рыцары.
У 1987 годзе Цім Бэл заснаваў PR-фірму Bell Communications, якая з 1997 года стала кампаніяй Bell Pottinger. Кампанія аказвала паслугі самым неадназначным кліентам, у тым ліку Аўгуста Піначэту, Аляксандру Лукашэнку, каралеўскай сям'і Саудаўскай Аравіі і гэтак далей. Фірма закрылася два гады таму пасля скандалу з расісцкай кампаніяй у Паўднёвай Афрыцы.
Лорд Бэл і Беларусь
У снежні 2012-га ў інтэрнэце з'явілася справаздача кампаніі лорда Бэла Chime Communications зь Вялікай Брытаніі аб працы для паляпшэння іміджу Беларусі на міжнароднай арэне ў 2008—2009 гадах. З беларускага бюджэту за гэты піяр мелася быць заплачана 10 мільёнаў еўра.
Кантракт беларускага ўраду з лордам Бэлам дзейнічаў адзін год. Ён быў падпісаны ў ліпені 2008 году, а 16 жніўня з турмы быў вызвалены экс-кандыдат на выбарах прэзідэнта Аляксандар Казулін. Вызваленне палітвязняў лорд Бэл назваў адной з прычынаў тагачаснага паляпшэння іміджу Беларусі і зняцця некаторых міжнародных санкцый.
Раней лорд Бэл прызнаў, што PR-кампанія Bell Pottinger Group, якая ў 2008—2009 гг. працавала для паляпшэння іміджу Беларусі і Аляксандра Лукашэнкі на Захадзе, атрымлівала ганарары выключна ад ураду Беларусі.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары