Асобы ў цывільным разбілі гукаапаратуру і зламалі кардонную фігуру блогера Nexta на сустрэчы з выбарцамі каля Ратушы АНЛАЙН
Каля 500 чалавек сабраліся на акцыю, ініцыяваную беларускімі блогерамі, на плошчы Свабоды ў Мінску. «НН» ведзе з яе анлайн-рэпартаж.
4 лістапада відэаблогер Сцяпан Пуціла заклікаў беларусаў праз свой Telegram-канал прыйсці на акцыю, каб вырашыць: куды павінна рухацца краіна. Мерапрыемства прайшло як перадвыбарчы пікет кандыдатаў у дэпутаты.
Сам Сцяпан, які жыве ў Варшаве, на пікет у Мінску не прыедзе. «Калі я прыеду, мяне чакаюць 5 артыкулаў крымінальнага кодэксу, ад абразы Лукашэнкі і экстрэмізму да дыскрэдытацыі Беларусі і шпіянажу. Так сабе перспектыва. Мне здаецца, я на волі больш карысны», — патлумачыў ён «Нашай Ніве», але абяцае прысутнічаць «у нейкай форме».
Нехта мае мільённую аўдыторыі ў Ютубе, ягоны апошні фільм за тыдзень сабраў паўтара мільёна праглядаў, 90 тысяч лайкаў і 45 тысяч каментаў.
Фільм называецца «Лукашэнка. Крымінальныя матэрыялы» і рэзка крытыкуе кіраўніка Беларусі. Аляксандра Лукашэнку ў ім абвінавачваюць у парушэннях законнасці. А таксама ў тым, што ён, у марным спадзяванні заняць пост прэзідэнта Расіі ў 1990-х, дазволіў Маскве атрымаць кантроль над Беларуссю.
«Моцнае відэа найвышэйшага ўзроўню, Сцяпану рэспект», — піша адзін з каментатараў, і гэты водгук сабраў 3000 лайкаў. У цэлым тон каментаў вельмі крытычны ў адносінах да сістэмы.
21-гадовы Сцяпан Пуціла, вядомы па назве свайго Ютуб-канала Нехта, мае 295 000 падпісчыкаў у Ютубе і больш за 100 тысяч — у Тэлеграме, што зрабіла яго самым папулярным грамадска-палітычным блогерам. У лютым 2018 года супраць Сцяпана Пуцілы спрабавалі завесці крымінальную справу паводле артыкула 368 КК РБ «Абраза прэзідэнта» за ролікі на YouTube, нібыта па скарзе невядомай грамадзянкі. З таго часу ён не наведвае Беларусь.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў7
Каментары