У ТРЦ Palazzo прадставілі аэротрубу iFLY, якая яшчэ да запуску ўвайшла ў пералік найбуйнейшых у свеце.
Аэратруба займае большую частку паўднёвага крыла ТРЦ Palazzo на скрыжаванні вуліц Ціміразева і Арлоўскай. Сярод ключавых адрозненняў — велізарныя памеры канструкцыі: празрыстая «шклянка», у якой і адбываюцца палёты, па вышыні супастаўная з пяціпавярховым домам. Яна дазваляе бяспечна зымітаваць свабоднае падзенне. У Еўропе аб'ект такой вышыні працуе толькі ў Парыжы.
Парыць над зямлёй дазваляюць 4 магутныя рухавікі. Яны ствараюць паветраны паток з хуткасцю больш за 250 км/г. Падчас палёту можна ўзлятаць, апускацца, свабодна змяняць становішча і здзяйсняць акрабатычныя кульбіты. Падобныя трукі можна бачыць у фільмах «Місія невыканальная».
Канструкцыя ўсесезонная і не залежыць ад надвор'я за акном. У самой трубе дзейнічае ўнікальны клімат-кантроль. Сістэма астуджэння дапамагае рухавіку астыць пасля разагрэву і ўвесь час забяспечвае ў палётнай зоне камфортныя 23—25 градусаў. Гэтая асаблівасць таксама вылучае мінскую аэратрубу сярод існуючых аналагаў.
Увесь аб'ект ўзвялі па тэхналогіі амерыканскай кампаніі iFLY, якая прадугледжвае поўную бяспеку падчас палёту. Апошнія тыдні тут праходзілі выпрабаванні, паралельна ішла падрыхтоўка інструктараў.
Аэратруба падыходзіць для ўсіх ахвотных ад 3 да 103 гадоў і не патрабуе спецыяльнай падрыхтоўкі. Перад палётам трэба надзець камбінезон, шлем і акуляры, а заадно прайсці 15-хвілінны інструктаж. Дзве хвіліны ў трубе параўнальныя з 4 скачкамі з парашутам, што дастаткова доўга нават для дасведчаных парашутыстаў. Палёт праходзіць з інструктарам, які дапамагае адпрацаваць асноўныя руху.
Таксама трубой будуць карыстацца прафесійныя спартсмены-парашутысты.
На трэцім паверсе ТРЦ Palazzo арганізавана аглядная пляцоўка. У любы час можна назіраць за палётамі пачаткоўцаў і выступамі прафесіяналаў.
У iFLY Minsk таксама плануюць рэалізаваць сацыяльны праект для дзяцей, якія знаходзяцца ў цяжкай сітуацыі. У пэўныя дні яны змогуць палётаць ў трубе бясплатна. Цяпер вядуцца перамовы з дабрачыннымі арганізацыямі, якія зоймуцца фармаваннем груп дзяцей з інваліднасцю або з дамоў-інтэрнатаў. У аэратрубе змогуць бясплатна пабываць каля 1000 дзяцей за год.
Трубу iFLY Minsk плануюць афіцыйна запусціць у ТРЦ Palazzo 14 снежня ў 12 гадзін. На адкрыцці абяцаюць паказаць «фантастычнае аэрашоу».
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы41
Каментары