У Беларусі спрасцілі адміністрацыйныя працэдуры: адмянілі сертыфікаты аб праходжанні ТА, а ў падатковую можна ісці з копіяй пашпарта
Аляксандр Лукашэнка 30 снежня падпісаў указ №492, які спрашчае некаторыя адміністрацыйныя працэдуры, піша БелТА.
Так, адмяняецца неабходнасць афармлення талона да вадзіцельскага пасведчання і сертыфіката аб праходжанні дзяржаўнага тэхагляду транспартных сродкаў, рэгламентуецца працэдура выдачы міжнароднага вадзіцельскага пасведчання.
Скарачаюцца тэрміны выканання працэдур, звязаных з пастаноўкай на ўлік маючых патрэбу ў паляпшэнні жыллёвых умоў, а таксама вызначаецца бестэрміновы час дзеяння рашэння аб прызнанні жылога памяшкання неадпаведным устаноўленым санітарным і тэхнічным патрабаванням (цяпер ён складае шэсць месяцаў).
Указ спрашчае парадак пастаноўкі грамадзян на консульскі ўлік, прадугледжваецца адмова ад спагнання платы за рэгістрацыю іншаземцаў, якія часова знаходзяцца ў Беларусі, у выпадку звароту за такой рэгістрацыяй праз адзіны партал электронных паслуг.
Замацоўваецца правамернасць прадстаўлення копіі пашпарта замест арыгінала пры звароце ў падатковыя органы за ажыццяўленнем шэрага адміністрацыйных працэдур. Гэта дасць магчымасць грамадзянам падаваць заявы ў электронным і пісьмовым выглядзе без асабістага наведвання падатковых органаў.
У мэтах захавання тайны ўсынаўлення замест копіі рашэння суда аб усынаўленні можна будзе прадставіць выпіску з такога дакумента.
Акрамя таго, уводзяцца новыя адміністрацыйныя працэдуры, неабходныя для рэалізацыі грамадзянамі сваіх правоў, выключаюцца працэдуры, што страцілі сваю актуальнасць, напрыклад, па выдачы рашэнняў аб прыватызацыі жылых памяшканняў.
-
У Мінску ладзяць вялікі жаночы форум з Хакамадай — квіткі ад 250 рублёў, сярод спікераў псеўданавукоўка
-
«Не магу вызваліць палітзняволеных, але магу палепшыць жыццё аднаго чалавека». Беларуска расказала, як стала прыёмнай маці
-
Пенсіянерка распавяла, як пад відам супрацоўнікаў райвыканкама яе ледзь не аблапошылі махляры
Каментары