У Харватыі на выбарах прэзідэнта лідзіруе былы прэм'ер-міністр, лідар апазіцыйнай Сацыял-дэмакратычнай партыі краіны Зоран Міланавіч. За яго прагаласавалі 53%.
Дзейная прэзідэнт Калінда Грабар-Кітаравіч, якую падтрымлівае кіруючая партыя «Харвацкая дэмакратычная садружнасць», набірае 47%.
Грабар-Кітаравіч кіравала Харватыяй са студзеня 2015 года. Яна з'яўляецца першай у гісторыі жанчынай, якая атрымала пасаду прэзідэнта краіны.
Пасля зменаў у канстытуцыі ў 2000 годзе, калі Харватыя стала парламенцкай рэспублікай, прэзідэнт мае менш паўнамоцтваў, чым прэм'ер-міністр, але вызначае знешнюю палітыку і займае пасаду вярхоўнага галоўнакамандуючага, піша расійская служба Радыё Свабода.
Каментары