Генеральны сакратар ААН Антоніу Гутэрыш назваў чатыры вершнікі апакаліпсісу, што найбольш пагражаюць свету. Паводле яго слоў, гэта геапалітычная напружанасць, змены клімату, глабальны недавер і злоўжыванне новымі тэхналогіямі, піша ТАСС.
Гутэрыш удакладніў, што з-за геапалітычнай напружанасці тэракты забіраюць новыя ахвяры і расце ядзерная пагроза. «Больш людзей вымушаныя пакінуць свае дамы з-за вайны і пераследаў, чым калі-небудзь пасля Другой сусветнай вайны», - адзначыў ён.
Гаворачы аб другім вершніку апакаліпсісу, генеральны сакратар ААН патлумачыў, што мільёнам жывых істот у найбліжэйшы час будзе пагражаць выміранне. «Наша планета гарыць», — сказаў Гутэрыш.
Глабальны недавер, на думку кіраўніка сусветнай арганізацыі, прывёў да таго, што два чалавекі з трох жывуць у краінах, дзе вырасла няроўнасць.
Яшчэ адна праблема заключаецца ў злоўжыванні тэхналагічным прагрэсам, лічыць Гутэрыш. Ён адзначыў, што, нягледзячы на велізарныя выгоды, якія нясуць новыя тэхналогіі, некаторыя выкарыстоўваюць іх для здзяйснення злачынстваў, распальвання нянавісці, распаўсюджвання фэйкаў, прыгнёту і эксплуатацыі людзей, а таксама для парушэння прыватнага жыцця.
-
Джыл Байдэн заявіла, што падчас няўдалых перадвыбарчых дэбатаў з Трампам ёй падалося, быццам у яе мужа проста на сцэне здарыўся інсульт
-
Бранявік з кулямётам і верталёт у небе. Ахову Пуціна ў Астане беспрэцэдэнтна ўзмацнілі
-
Кітай з дапамогай штучнага інтэлекту ператварае сваю сістэму назірання ў інструмент «прагнастычнага» кантролю
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала15
Каментары