Паспяховая традыцыя «Глінянага Вялеса»
«Гліняны Вялес» быў заснаваны Таварыствам вольных літаратараў на пачатку 90-х як процівага занадта традыцыяналісцкім густам адбору на прэміі дзяржаўныя.
Літаратурнай прэміяй «Гліняны Вялес» за 2008 год уганараваны празаік Барыс Пятровіч (Сачанка) за кнігу мініятураў «Жыць не страшна».Прэмію яму ўручыў каардынатар яе прысуджэння Алесь Аркуш у суботу ў Полацку ў Музеі беларускага кнігадруку, у Міжнародны дзень паэзіі. Лаўрэата віталі дзесяткі палачанаў і гасцей старадаўняе сталіцы.
У Барыса Пятровіча «Вялес» – першая літаратурная прэмія. У сваёй ляўрэацкай прамове ён гаварыў пра сваё пакаленне ў беларускай літаратуры, пакаленне 50‑гадовых, як пра замоўчанае і незаўважанае.
Ураджэнец паўднёвае Гомельшчыны Пятровіч да пачатку 2000‑х працаваў спачатку ў «ЛіМе», пасля ў «Полымі». Пасля ўвядзення ў выданнях ідэалагічнага кантролю перайшоў на вольныя хлябы. Цяпер Барыс Пятровіч рэдагуе незалежны літаратурны часопіс «Дзеяслоў». Ён аўтар філасофскае прозы.
«Гліняны Вялес» быў заснаваны Таварыствам вольных літаратараў на пачатку 90-х як процівага занадта традыцыяналісцкім густам адбору на прэміі дзяржаўныя.Прэмія прысуджаецца за найлепшую кнігу. Лаўрэата абірае кола крытыкаў. У мінулыя гады прэміяй былі адзначаныя як вядомыя творцы - Алег Мінкін, Людка Сільнова, Алесь Разанаў, Уладзімер Арлоў, Ігар Бабкоў, так і нечаканыя аўтары з малых вёсак і гарадкоў, як Мікола Папека.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары