Аляксандр Лукашэнка заклікае не супрацьпастаўляць яго жанчынам і растлумачыў, што меў на ўвазе, кажучы пра тое, што жанчына ў Беларусі пакуль што не зможа ўзначаліць краіну, перадае БелТА.
«Мяне спрабуюць цяпер з жанчынамі сутыкнуць. Памятаеце, я аднойчы сказаў, што ў Беларусі пакуль што жанчына не можа быць прэзідэнтам. Шэраг прычын назваў, але выхапілі з кантэксту Канстытуцыю», — сказаў ён.
«Што я меў на ўвазе: што ў нас Канстытуцыя такая, што нават мужыку цяжка несці гэтую ношу. А калі яе загрузіць на жанчыну, яна ўпадзе, небарака. Гэта я меў на ўвазе, а не таму, што я не паважаю жанчын».
«Калі б не было жанчын, я б не быў прэзідэнтам», — падкрэсліў Лукашэнка.
Цяпер чытаюць
«Яна гадамі цярпела, а пасля адзін раз ударыла мужа нажом — гэтага хапіла, каб забіць»14
Каментары