«Гэта быў баявы пісталет»: МУС патлумачыла, чаму падчас акцыі ў Маладзечне амапавец выхапіў зброю
Учора сеціва абляцелі кадры штурханіны ў Маладзечне, дзе гараджане паспрабавалі спыніць спробы неабгрунтаваных затрыманняў мінакоў АМАПам.
Чытайце: У Маладзечне людзі вырвалі ў міліцыі затрыманага дэманстранта ВІДЭА
Гэты момант з розных ракурсаў зняты на відэа. І на адным з відэа відаць, што ў нейкі момант у руках аднаго з амапаўцаў аказваецца пісталет.
У сацсетках вяліся спрэчкі, ці ставіў міліцыянер пад пагрозу жыццё людзей? І што ж усё ж у руках: баявы пісталет, газавы, траўматычны?
«Наша Ніва» скіравала гэтае пытанне ў прэс-службу МУС. Мы таксама папрасілі патлумачыць, чаму супрацоўнік дастаў зброю.
«Гэта баявы пісталет, — адказала афіцыйны прадстаўнік МУС Вольга Чамаданава. — Але зброю не выкарыстоўвалі і не збіраліся. Было так: падчас затрымання і валтузні кабура расшпілілася, пісталет выслізнуў з яе, амапавец яго падхапіў і адразу вярнуў назад».
У Лагойску пекар адмаўляецца прадаваць свой хлеб пакупнікам, у якіх ёсць сабакі84
Каментары