«Прашу падтрымаць свабодныя і сумленныя выбары ў Беларусі». Валерый Цапкала напісаў адкрыты ліст лідарам больш чым 30 краін
Валерый Цапкала напісаў адкрыты ліст (ёсць у распараджэнні тэлеканала «Дождь») прэзідэнтам і прэм'ер-міністрам 32 краін, у тым ліку ЗША, Германіі, Францыі, Вялікабрытаніі і Украіны. Расіі ў гэтым спісе няма.
У ім ён звяртае ўвагу, што ў Беларусі ўжо 26 гадоў кіруе адзін чалавек, які стварыў «аўтарытарны рэжым, у якім не выконваюцца асноўныя каштоўнасці дэмакратычнага грамадства: змяняльнасць улады, свабода слова і волевыяўлення, асноўныя свабоды чалавека». Цапкала адзначыў, што цяпер улады Беларусі «актыўна перашкаджаюць» правядзенню сумленных і свабодных выбараў прэзідэнта, а таксама аказваюць сілавы ціск «на ўсіх, хто жадае справядлівасці і празрыстасці выбарчага працэсу».
Ён звярнуўся да лідараў краін з просьбай «падтрымаць правядзенне свабодных і сумленных прэзідэнцкіх выбараў у Беларусі і звярнуць увагу грамадскасці на антынародную палітыку, якую праводзіць беларускі рэжым».
«Таксама ад асобы ўсяго беларускага народа прашу аказаць садзейнічанне ў арганізацыі міжнароднага назірання за выбарамі і падлікам галасоў, забеспячэнні празрыстасці гэтага працэсу для грамадзян Беларусі, якія знаходзяцца на тэрыторыі вашай свабоднай краіны. Нашы народы месцамі аб'ядноўвае культурна-гістарычная спадчына і цесныя роднасныя сувязі. Мы аднолькава разумеем ідэі дэмакратыі і свабоды», — гаворыцца ў лісце.
Ён таксама пералічвае мэты апазіцыі, сярод якіх празрыстасць выбараў, абранне Святланы Ціханоўскай у якасці прэзідэнта краіны, вызваленне ўсіх палітвязняў, а таксама правядзенне новых выбараў у тэрмін ад трох да шасці месяцаў з удзелам усіх альтэрнатыўных кандыдаў.
Валерый Цапкала накіраваў ліст прэзідэнту ЗША Дональду Трампу, прэм'ер-міністру Канады Джасціну Трудо, прэм'еру Вялікабрытаніі Борысу Джонсану, прэзідэнту Францыі Эмануэлю Макрону, прэзідэнту Украіны Уладзіміру Зяленскаму, канцлеру Германіі Ангеле Меркель, прэм'еру Арменіі Ніколу Пашыняну, а таксама лідарам Балгарыі, Венгрыі, Грузіі, Італіі, Латвіі, Літвы, Польшчы і іншых краін.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары