Ціханоўская на наступным тыдні сустрэнецца з кіраўніцтвам ЕС і прэм'ерам Бельгіі
13—16 снежня Святлана Ціханоўская наведае з рабочым візітам не толькі Берлін, але і Брусель, паведамляе яе прэс-служба.
У Берліне Ціханоўская сустрэнецца з прэзідэнтам краіры Франкам-Вальтэрам Штайнмаерам, прэзідэнтам Бундэстага Вольфгангам Шойбле, віцэ-прэзідэнтам Бундэстага Клаўдыяй Рот, кіраўнікамі камісій па замежных справах і правах чалавека Норбертам Рэтгенам і Гідэ Енсэн адпаведна. Яна таксама сустрэнецца з Янам Хекерам, дарадцам канцлера Ангелы Меркель па замежнай палітыцы.
Як паведамлялася, Ціханоўская таксама возьме ўдзел у экуменічнай малітве і дыскусіі ў Берлінскім саборы. Яна таксама сустрэнецца з лаўрэатам Нобелеўскай прэміі па літаратуры Святланай Алексіевіч.
У Бруселі Ціханоўская сустрэнецца з прэм'ер-міністрам Бельгіі Аляксандрам дэ Кроо і правядзе шэраг сустрэч у структурах ЕС: Жазэпам Барэлем, міністрам замежных спраў ЕС; Вера Юрава, віцэ-прэзідэнт Еўрапейскай камісіі па пытаннях каштоўнасцяў і празрыстасці; Олівер Варэлі, упаўнаважаны па пытаннях суседства і пашырэння; Іман Гілмар, спецыяльны прадстаўнік ЕС па правах чалавека.
Адбудзецца шэраг сустрэч з членамі Еўрапейскага парламента (ЕП) і палітычнымі групамі, уключаючы прэзідэнта Еўрапарламента Давіда Сасолі, віцэ-прэзідэнта Хэйдзі Хаўталу і дакладчыка па Беларусі Пятраса Аўштравічуса ў Камітэце замежных спраў. Святлана Ціханоўская таксама выступіць на сумесным пасяджэнні камітэтаў па замежных справах, развіцці, правах чалавека і дэлегацыі па сувязях з Беларуссю.
У Бруселі Святлана Ціханоўская таксама возьме ўдзел у мерапрыемствах, прысвечаных уручэнню прэміі Сахарава, якая сёлета ўручаецца групе беларусаў у знак прызнання іх імкнення да свабоды.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары