Яе пабачылі ў Беларусі ўпершыню.
Каралінскую качку (каралінку) назіралі 17 студзеня на Нёмане сябры Клуба-200 грамадскага аб'яднання «Ахова птушак Бацькаўшчыны», паведамляюць ptushki.org.
«Каралінская качка (каралінка) назіралася ў нашай краіне ўпершыню», — расказваюць у аб'яднанні.
Назіралі незвычайнцю птушку мінскія і гарадзенскія члены Клуба-200 АПБ Таццяна Каржыцкая, Юрый Шашанька, Максім Косцін і Дзмітрый Вінчэўскі.
«Я заўважыла прыгожую качку, але не зусім добра бачыла яе ў аб'ектыў і таму падумала, што гэта, магчыма, качка-мандарынка. Але Юрый і Дзмітрый адразу мяне паправілі, што гэта не мандарынка, а наогул новы для Беларусі від — каралінка. Мы спрабавалі разгледзець, ці акальцавана яна, і, падобна, кольца не было», — распавяла Таццяна Каржыцкая.
У Літве і Польшчы Каралінскія качкі ў дзікай прыродзе адзначаліся неаднаразова, але для Беларусі гэта першая рэгістрацыя віду ў дзікай прыродзе.
Каралінская качка (Aix sponsa) — паўночнаамерыканскі від, які ў Еўропе ўтрымліваюць не толькі ў заапарках, але і ў прыватных калекцыях. Натуральным чынам з Амерыкі каралінкі пакуль даляталі толькі да Ісландыі. Усе іншыя сустрэчы з каралінкамі ў прыродзе ў розных краінах на нашым кантыненце лічацца фіксаваннем птушак, што ўцяклі з няволі.
-
Дарослыя ўсё часцей купляюць цацкі для сябе, а дзяцей нараджаюць усё менш. Што адбываецца?
-
Касаткі навучыліся паляваць на вялікіх белых акул і здабываць іх печань. Навукоўцы занепакоеныя наступствамі
-
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары