Пра гэта ТАСС паведаміў прэзідэнт IIHF Рэнэ Фазель.
«У мяне была відэаканферэнцыя з прэм'ер-міністрам Літвы [Інгрыдай Шыманіце]. У першую чаргу я вельмі ўдзячны ўраду Літвы за гатоўнасць дапамагчы нам, — сказаў Фазель. — У нас ужо былі дыскусіі з Браціславай, Рыгай і Даніяй — у Даніі і Браціславы ёсць добры досвед правядзення турніру ў 2018 і 2019 гадах. Я вельмі цаню прапанову Літвы і гатоўнасць дапамагчы нам, але занадта шмат кандыдатаў на правядзенне турніру ў дадзеным выпадку не мае сэнсу».
Фазель падкрэсліў, што ў Літве ёсць добрая арэна для правядзення матчаў чэмпіянату свету, але ў краіны няма досведу арганізацыі такой падзеі.
Нагадаем, што ЧС па хакеі павінен быў прайсці ў Рызе і Мінску, але ў сталіцы Беларусі забралі такое права. Цяпер вырашаецца, ці матчы абедзвюх групаў пройдуць у Рызе, ці адна група будзе гуляць, як і планавалася ў Латвіі, а другая або ў дацкім Хернінгу, або ў Браціславе. Менавіта ў гэтай групе і павінна выступіць зборная Беларусі.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары