У Танзаніі па меншай меры 15 чалавек памерлі і больш за 50 трапілі ў бальніцу з-за заражэння невядомай інфекцыяй, паведамляюць інфармагенцтвы са спасылкай на прадстаўнікоў аховы здароўя краіны.
Па словах дактароў, гэтая хвароба пакуль не моцна пашыраная, успышка адбылася толькі ў адной адміністрацыйнай акрузе, дзе людзей ванітавала крывёю і яны паміралі, калі позна траплялі ў бальніцу.
Першапачатковае абследаванне паказала, што пацыенты, у асноўным мужчыны, пакутавалі ад язвы страўніка і захворванняў печані.
Міністр аховы здароўя Танзаніі накіраваў у рэгіён групу экспертаў. Медыкі павінны высветліць прычыны ўспышкі захворвання і ўзяць узоры для даследавання.
У снежні газета The Hindu паведаміла, што ў індыйскім штаце Андхра-Прадэш адзін чалавек памёр ад невядомай хваробы, і яшчэ 315 чалавек былі шпіталізаваныя з сімптомамі таго ж захворвання. Паводле інфармацыі выдання, у пацыентаў назіралася галавакружэнне, галаўны боль і сімптомы эпілепсіі. Вынікі тэстаў на каранавірус у іх былі адмоўныя.
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары