«Ты ябацька, прэч адсюль». Лукашэнка абвінаваціў прыватны бізнэс у нелаяльнасці
Негатыўную рэакцыю Лукашэнкі выклікаў выступ Жанны Тарасевіч — дырэктара Бізнэс-саюза прадпрымальнікаў і наймальнікаў імя Куняўскага. Яна прасіла не пераследаваць бізнэс рознымі праверкамі.
У адказ Лукашэнка ўмяшаўся (звычайна выступ удзельнікаў ідзе за выступам), пачаў крытыкаваць прыватны бізнэс.
Сказаў, што гэты «разбой з рэгістрацыяй» трэба спыніць.
Прыводзіць прыклад, як чыноўнікі, людзі ў форме хадзілі ў прыватныя медыцынскія цэнтры, а ім кажуць: «Ты — ябацька, мы цябе лячыць не будзем».
Другі прыклад, як адна журналістка дзяржаўнага СМІ прыйшла ў дзіцячы садок, а ёй — вон адсюль. Прычым, па словах Лукашэнкі, гэта было як у прыватным садку, так і ў дзяржаўным.
Прайшоўся ён па сучасных тэхналогіях. «Я ўжо не кажу пра дванаццатыя айфоны. Хочаце — купляйце, каб кожную хвіліну амерыканцы адсочвалі, дзе вы знаходзіцеся. Разумныя людзі даўно шукаюць кнопачныя тэлефоны», — сказаў ён.
«Ах, цяпер усе парацца пра Бабарыку, што яго пасадзілі. Ды пляваць я хацеў! Набудаваў маёмасці ў Турцыі, у нас такія асабнякі меў, што ніхто не мае. Дзяцей ва ўсё гэта ўцягнуў. Я што, павінен быў спакойна на гэта глядзець!» — сказаў Лукашэнка.
«Усялякіх ІПэшнікаў прывядзём у пачуццё», — прыгразіў ён.
Пра ўсеагульную забастоўку:
«Дзень салідарнасці! У панядзелак! Каля 200 прадпрыемстваў закрыліся ў Мінску! І хто яны ў нас? Дэфіцытныя? Асобныя гандлёвыя кропачкі, кафэшачкі. Як я павінен быў паступіць? Я папярэдзіў Камітэт дзяржкантролю: закрыліся — каб ні адно не адкрылася».
«Дзяржава перад бізнэсам на калені не стане», — сказаў ён.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары