Сёння ў судзе Цэнтральнага раёна судзяць затрыманых учора ў Прылуцкай Слабадзе сям’ю Міхайлавых пасля ператрусу.
Як учора заявіла мінская міліцыя, затрыманыя з’яўляюцца «актыўнымі ўдзельнікі флэшмобу, арганізаванага на праспекце Пераможцаў», а «падчас санкцыянаванага агляду домаўладання [сям’і Міхайлавых] выяўленая атрыбутыка, якая асацыюецца з пратэснай», паведамляе spring96.org.
Адразу суддзя Вікторыя Шабуня судзіла па ч. 3 арт. 24.23 КаАП 30-гадовую актывістку Юлію Міхайлаву.
Па пратаколе, дзяўчына 6 красавіка з 18:05 па 18:20 прыняла ўдзел у несанкцыянаваным шэсці на праспекце Пераможцаў у групе грамадзян з дзесяці чалавек «з мэтай выказвання свайго грамадска-палітычнага настроя». Па пратаколе, Юлія трымала БЧБ-парасон і крычала «Жыве Беларусь!». У якасці доказаў яе віны на судзе прадаставілі фота Tut.by.
Дзяўчына на судзе пацвердзіла, што яна шпацыравала па праспекце ў той дзень, але з белым парасонам. Па яе словах, яна нічога не выкрыквала, нічым не махала і нічога не выказвала. Юлія распавяла, што пасля затрымання сілавікі на яе крычалі і пагражалі — аказавалі псіхалагічны ціск.
У выніку, Шабуня асудзіла Юлію Міхайлаву на 25 сутак арышту.
Чакаюцца суды над яе братам Пятром і маці Таццянай. Старэйшую сястру Лілію ўчора вызвалілі, бо ў яе непаўнагадовыя дзеці.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары