Навукоўцы: сусветныя ледавікі растаюць удвая хутчэй, чым 20 гадоў таму
Згодна з глабальным даследаваннем сусветных ледавікоў, за апошнія дваццаць год хуткасць іх раставання павялічылася ўдвая.
Навукоўцы сцвярджаюць, што глабальнае пацяпленне паскарае страту высакагорных і высакашыротных ледавікоў, якія закрануць прыбярэжныя раёны па ўсёй планеце і стануць прычынай вялізных патокаў талай вады, дзе жывуць сотні мільёнаў чалавек.
З 2000 да 2019 года ледавікі па-за межамі Грэнландыі і Антарктыды гублялі 267 гігатон ільду штогод, а гэта эквівалентна павышэнню ўзроўню мора на 21%. Аўтары даследавання, апублікаванага ў часопісе Nature, заявілі, што страта ледавікоў за апошняе дваццацігоддзе эквівалентна апусканню паверхні Англіі на 2 метры штогод.
Даследчыкі выявілі, што тэмпы раставання ледавікоў за межамі Грэнландыі і Антарктыды павялічыліся з адной трэцяй метра за год у 2000 да дзвюх трэціх метра ў 2019 годзе. Гэта значыць, што кожнае дзесяцігоддзе растае на 62 гігатоны льду больш.
У даследаванні выкарыстоўваліся звесткі са спадарожнікаў NASA, а таксама новыя статыстычныя метады для трохмерных тапаграфій, якія ахопліваюць 99,9% ледавікоў свету. На сённяшні дзень гэта самая дакладная і ўсебаковая ацэнка 217 175 ледавікоў планеты.
Аўтары даследавання перакананыя, што вынікі вывучэння з’яўляюцца папярэджваннем для чалавецтва. Для многіх рэгіёнаў ледавікі — аддаленая з’ява, але іх раставанне ўплывае на глабальны водны цыкл, што ў выніку можа прывесці да значных змен або знішчэння экасістэм.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары