Кампанія Google прэзентавала Android 12 — гэта самае вялікае абнаўленне дызайну за ўсю гісторыю аперацыйнай сістэмы
Учора на штогадовай канферэнцыі Google прадставілі новую аперацыйную сістэму Android 12.
Прадстаўнікі кампаніі адзначаюць, што новая аперацыйная сістэма стала самым маштабным змяненнем дызайну за ўсю гісторыю Android.
Кампанія абяцае, што карыстальнікі змогуць персаналізаваць свой тэлефон дзякуючы аўтаматычнаму стварэнню каляровай палітры. Дастаткова ўсяго толькі выбраць шпалеры, а сістэма сама будзе вызначаць, якія колеры дамінуюць, а якія добра спалучаюцца між сабой. Затым гэтая каляровая палітра будзе аўтаматычна прымяняцца да ўсёй аперацыйнай сістэмы.
Акрамя гэтага, новая АС аптымізуе працу працэсараў, што дазволіць тэлефону працаваць даўжэй без зарадкі.
Асобную ўвагу кампанія надала бяспецы і канфідэнцыяльнасці. У новай сістэме з’явіцца адмысловая панель Privacy Dashboard, дзе можна паглядзець, якія дазволы атрымалі дадаткі і калі гэта адбылося. Больш за тое, у карыстальніка будзе магчымасць даваць дадаткам доступ толькі да прыкладнага месцазнаходжання. Напрыклад, для таго, каб дадатак мог вызначыць надвор’е, яму не патрэбна ведаць дакладнае месцазнаходжанне тэлефона, таму будуць выкарыстоўвацца толькі прыкладныя звесткі.
Яшчэ ў тэлефонах з’явіцца функцыя Android Private Computer Core. Карыстальнік зможа захоўваць асабістую інфармацыю, якая будзе ізаляваная ад доступу з сеткі.
-
Як беларускія лазеры дапамаглі даследаванням, за якія сёлета ўручылі Нобелеўскую прэмію па медыцыне
-
Сучасныя метады судовай экспертызы паказалі: першыя цары Егіпта маглі адпраўляцца ў замагільны свет не адны
-
Нейрасеткі вынайшлі салідарнасць: яны сабатуюць знішчэнне іншых нейрасетак, называючы гэта забойствам
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары