Антыбіётык новабіяцын знішчыў агрэсіўныя формы раку грудзей
Навукоўцы з ЗША выявілі, што антыбіётык, які актыўна прымянялі ў сярэдзіне мінулага стагоддзя для барацьбы з інфекцыямі, можа змагацца з агрэсіўнымі формамі раку грудзей.
Фота Depositphotos.com
Ад раку грудзей штогод паміраюць каля 627 тысяч жанчын. У апошнія гады дактары ўскладаюць надзеі на PARP-інгібітары, якія могуць падаўляць рост большасці агрэсіўных форм раку грудзей.
Аднак вопыты даследчыкаў з ЗША паказалі, што антыбіётык новабіяцын хутка і эфектыўна знішчаў тыя віды пухлін, на якія не дзейнічалі ні PARP-інгібітары, ні іншыя лекі. Больш за тое, прэпарат не знішчаў масава здаровыя клеткі малочнай залозы.
Такія ж вынікі паказалі вопыты на мышах, у чый арганізм імплантавалі фрагменты пухлін. Цяпер навукоўцы будуць праводзіць клінічныя выпрабаванні з удзелам валанцёраў.
Вынікі новага даследавання былі апублікаваныя ў навуковым часопісе Nature Cancer.
«Бяспека новабіяцыну не выклікае сумненняў, пры гэтым антыбіётык можна прымаць пераральна, што з’яўляецца перавагай перад іншымі сродкамі лячэння раку. Мы збіраемся праверыць яго ў камбінацыі з іншымі прэпаратамі на пацыентах», — адзначае Алан Д’Андрэа з Інстытута ракавых даследаванняў імя Дана-Фарбер.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары