Сямейная пара з Наваполацка паступіла ва ўніверсітэт разам са сваёй дачкой
Аляксандр і Кацярына Раньшавы, а таксама іх старэйшая дачка Дар'я здалі ўступныя іспыты па дысцыпліне «Творчасць» і былі залічаныя на першы курс Беларускага дзяржаўнага ўніверсітэта культуры і мастацтваў.
Пра гэта паведамляе gorod214 са спасылкай на сайт ВНУ.
Муж і жонка яшчэ ў 2000 годзе скончылі Віцебскае вучылішча мастацтваў, пасля каля 15 гадоў займаліся дызайнам мэблі і інтэр'еру.
Цяпер Аляксандр і Кацярына будуць вучыцца завочна па спецыяльнасці «Народная творчасць (Народныя рамёствы)», а Дар’я — па спецыяльнасці «Сацыяльна-культурная дзейнасць».
Атрымаць вышэйшую адукацыю было даўняй марай у сям’і, але па розных прычынах гэта ніяк не ўдавалася.
Каментары