Павел Севярынец заклікаў святароў весці набажэнствы па-беларуску хаця б раз на тыдзень
Зварот палітвязня, асуджанага на сем гадоў, змясціла ў сваім фэйсбуку яго жонка Вольга Севярынец.
«Паважаныя святары, пастары, вернікі! Прыйшоў час сказаць пра набажэнствы ў беларускіх цэрквах па-беларуску.
Сярод відавочных прычынаў нашай сённяшняй бяды — адмаўленне ад дадзенай Богам мовы. Госпад даў кожнаму народу сваю ўласную мову — каб прадухіліць пабудову сусветнай імперыі зла і паставіць заслон грэху агульначалавечай пыхі», — кажа Павел.
«Няхай усё пачнецца хаця б з аднаго беларускамоўнага набажэнства на тыдзень. Бог дапаможа і натхніць людзей. Няўжо беларусы ня вартыя аднаго беларускамоўнага набажэнства на 7 дзён, браты? Няўжо так і будзем маліцца да Бога не па-беларуску?
Бог даў нам мову — а мы адмаўляемся ды грэбліва адкідаем яе.
Час пакаяцца за тое, што выракліся Божага дару — і ствараць плод, варты пакаяння. Ёсць жа цудоўныя праваслаўныя і евангельскія супольнасці, дзе беларуская мова квітнее! Пераймайце!» — зазначыў Павел Севярынец.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары