Калі ў першую хвалю кавіду 20% пацыентаў мелі патрэбу ў кіслароднай падтрымцы, то зараз — 30-40%
Чацвёртая хваля кавіду, што прыйшла ў Беларусь, мае больш цяжкія наступствы для хворага.
Галоўны доктар Баранавіцкай гарадской бальніцы Аляксандр Ткачоў паведаміў «Нашаму краю», што калі ў пачатку пандэміі ў Беларусі — увесну 2020 года — пацыентаў, якія маюць патрэбу ў кіслароднай падтрымцы, было каля 20%, то цяпер іх колькасць вырасла да 30-40%.
Паводле Ткачова, цяжкіх выпадкаў не было сярод людзей, што зрабілі прышчэпку:
— Магу адказна заявіць, што сярод цяжкіх пацыентаў з каранавіруснай інфекцыяй у нас у шпіталі пакуль не было ніводнага чалавека, які быў бы вакцынаваным. Хоць кампанія вакцынацыі стартавала больш за год таму.
У апошнія дні нават паводле афіцыйных звестак, у якія мала хто верыць, у Беларусі — значны рост захворванняў на кавід.
Чытайце таксама: Карона наступае на Мінск: людзі гадзінамі чакаюць хуткую, дактары кажуць, што маштаб абяцае быць большым, чым летась
Каментары