Усяго тры месяцы Рэспубліканскі клінічны шпіталь інвалідаў Вялікай Айчыннай вайны імя П. Машэрава прымаў планавых пацыентаў. 20 верасня ўстанова аховы здароўя зноў змяніла свой профіль, стаўшы інфекцыйнай бальніцай.
Шпіталь першым прыняў кавідных пацыентаў у лютым 2020 года, калі туды сталі паступаць маладыя людзі, што кантактавалі з іранскім студэнтам.
Галоўны доктар шпіталя Віктар Лішакоў кажа, што першая хваля стала часам мабілізацыі, перыядам падрыхтоўкі кадраў, калі працаваць і вучыцца персаналу даводзілася адначасова.
Ложкавы фонд аддзяленняў шпіталя разлічаны на 600 пацыентаў, аднак кавідны можа прыняць 460 хворых.
Праблем з медыкаментамі і тэхнічнымі сродкамі няма, установа працуе ў штатным рэжыме без максімальнай загрузкі, сцвярджае Віктар Лішакоў.
З 100 тысяч ложкаў, якія ёсць у краіне, перапрафіляваныя пад кавід — амаль траціна. Асноўная частка з перапрафіляваных яшчэ пустуе, — паведаміў міністр аховы здароўя Дзмітрый Піневіч 20 верасня.
Чытайце таксама: Карона наступае на Мінск: людзі гадзінамі чакаюць хуткую, дактары кажуць, што маштаб абяцае быць большым, чым летась
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары