Упершыню ў Еўропе: у Ісландыі большасць у парламенце складуць жанчыны
Жанчын-дэпутатаў у парламенце Ісландыі па выніках праведзеных напярэдадні ўсеагульных выбараў атрымаецца больш, чым мужчын, што з'яўляецца ўнікальным выпадкам у сучаснай гісторыі Еўропы, паведамляюць у нядзелю заходнія СМІ, перадае «Інтэрфакс».
Так, у 63-мясцовы Альтынг — аднапалатны парламент — былі абраныя 33 жанчыны, то-бок 52% ад ліку парламентарыяў. Пры гэтым, як адзначаюць СМІ, ні ў адной іншай еўрапейскай краіне няма больш за 50% жанчын у вышэйшых заканадаўчых органах улады. Прычым больш за ўсё жанчын-парламентарыяў працуе ў Швецыі — 47%.
Паводле звестак СМІ, на выбарах у Ісландыі перамагла кіроўная кааліцыя на чале з прэм'еркай Катрын Якабсдоцір, якая пашырыла сваю большасць у парламенце.
Цяпер толькі ў пяці краінах свету жанчыны займаюць не менш за палову месцаў у парламенце: у Руандзе (61%), на Кубе (52%), у Нікарагуа (51%), у Мексіцы (50%) і ААЭ (50%).
СМІ нагадваюць, што, у адрозненне ад шэрагу іншых краін, у Ісландыі няма квоты на жаночае прадстаўніцтва ў парламенце, аднак некаторыя партыі патрабуюць, каб не менш за вызначаную колькасць іх кандыдатаў былі жанчынамі. Разам з тым, дадаюць СМІ, Ісландыя доўгі час была краінай, якая знаходзілася на першых пазіцыях у свеце па забеспячэнні роўнасці правоў мужчын і жанчын.
Так, першы закон аб роўнай аплаце працы незалежна ад полу тут быў прыняты ў 1961 годзе. Ісландыя ў 1980 годзе стала першай краінай свету з жанчынай-прэзідэнтам на чале, абранай па дэмакратычнай працэдуры. Таксама ў Ісландыі прадугледжаны аднолькавы адпачынак па доглядзе дзіцяці і для мужчын, і для жанчын.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары