«Перавага аддаецца паляшучкам і жанчынам з доўгімі валасамі». Беларускі паэт шукае жонку праз фэйсбук
Паэт-бард Валеры Пазнякевіч напісаў у фэйсбуку, што шукае жонку. І пералічыў крытэрыі, якім будучая спадарожніца мусіць адпавядаць, чым разгневаў жанчын.
«Узрост — да 45 гадоў.
Крытэрыі: веданне беларускай мовы, жаданне спяваць на сцэне і кахаць паэта.
Разглядаю кандыдатуры жанчын, якія валодаюць беларускай мовай, жадаюць мець дзяцей і вераць у будучыню Беларусі.
Характар — Жыве Беларусь! Адказ — то ўзаемна.
Жыллём забяспечаны. Перавага аддаецца паляшучкам і жанчынам з доўгімі валасамі.
Руды колер валасоў — не мой. Радзімыя плямы на твары — пралёт», — напісаў 53-гадовы паэт.
У каментарах яму пазычылі поспехаў у пошуках. А жанчыны абурыліся: ці не завысокія патрабаванні выстаўляюцца і што за дыскрымінацыя па колеры валасоў?
«Я ж не хапаюся за кожную цыбуліну», — адказаў паэт на прэтэнзіі.
Праўда, праз паўдня пост выдаліў.
«Я проста вырашыў заняцца вывучэннем жаночай псіхалогіі. Дзеля гэтага і размясціў пост. Каментары былі больш чым жахлівыя. Некаторыя адкрыта пісалі аб тым, што калі перапіша кватэру, то тады ёсць над чым падумаць. Як ні дзіўна, але ў большасці жанчын на першым месцы стаіць матэрыяльнае пытанне. Дзеля яго дасягнення яны гатовыя пазбавіцца і свайго гонару, і сваёй незалежнасці.
Аналіз мне патрэбен для новага псіхалагічнага раману «Каханне ў квадраце». Пост мне вельмі дапамог. А што тычыцца пошуку жанчыны, спадзяюся, што час гэтаму паспрыяе», — патлумачыў пазней паэт «Нашай Ніве».
«Ніхто з мужчын не разумее двухсэнсоўнасці». Як выйсці замуж за айцішніка і не развесціся
-
Алімпійскі прызёр Максім Недасекаў ажаніўся другі раз. Гэтым разам з Лалітай
-
Маладое пакаленне перастала гэтага саромецца: 22% амерыканцаў пакалення Z лічаць сябе ЛГБТК. Абсалютная большасць з іх — гэта бісэксуалы
-
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары