У 2020 годзе, калі пачаліся масавыя палітычныя працэсы, рэзка скарацілася колькасць карупцыйных злачынстваў — адразу на 30%, у Вярхоўным судзе гэту лічбу называюць «анамальнай».
Дагэтуль карупцыя ў Беларусі стабільна расла. У ВС дыпламатычна адзначаюць, што справа ў тым, што праваахоўнікі сталі дзейнічаць актыўней.
Напраўду ж, у праваахоўнікаў змясціліся прыярытэты. Пасля выбараў асноўныя высілкі былі накіраваныя на злачынствы, звязаныя з масавымі пратэстамі, у 2021-м дадалася ўзмоцненая барацьба з экстрэмізмам і тэрарызмам. Так адбылося пераразмеркаванне спецыялістаў і прэмій за выкананую работу.
Калі казаць пра найбольш карупцыйныя сферы, то ў пэўны перыяд было больш спраў супраць работнікаў мытні, у іншы час — супраць работнікаў СТА. Такая спецыфіка залежыць ад таго, якую сферу ў цяперашні момант адпрацоўваюць сілавікі.
Але традыцыйна найбольш хабараў у будаўніцтве і прамысловасці.
Самыя распаўсюджаныя выпадкі — адкаты за выйгрыш тэндара, апошнія гады расце колькасць адкатаў за тое, каб дзяржаўнае прадпрыемства разлічылася з пастаўшчыком, спіс запазычанасцяў доўгі.
Самыя рэзанансныя справы, як удакладняюць у Вярхоўным судзе, звязаныя з закупкай абсталявання, часам памер хабараў складае мільёны даляраў.
Летась колькасць асуджаных за карупцыю склала каля 2% ад усіх асуджаных, крыху больш за 630 чалавек. У 2019 годзе было 1007 асуджаных, у 2018 — 1005.
Цэнтр новых ідэй правёў даследаванне аб праблемах рёгіёнаў. Дык вось, карупцыя — у топе, 93% апытаных лічаць, што ўзровень карупцыі ў іх раёне «дакладна высокі». 72% апытаных лічаць, што больш за ўсё злачынстваў у мясцовых органах улады, 30% — у бізнэсе, 29% — у жыллёва-камунальнай гаспадарцы, 24% — у адукацыі, 21% — у будаўніцтве і абслугованні дарог.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары