У Тбіліскім гарадскім судзе 10 лістапада пачаўся разгляд справы былога прэзідэнта Грузіі Міхаіла Саакашвілі. Ён праходзіць абвінавачаным па справе аб разгоне мітынгу апазіцыі ў лістападзе 2007 года. Тады супраць дэманстрантаў паліцыя прымяніла спецсродкі, пацярпелі некалькі сотняў чалавек, паведамляе meduza.io.
На першае паседжанне суда Саакашвілі, які знаходзіцца пад арыштам, не пусцілі. Як аб'явіла cпецыяльная пенітэнцыярная служба Грузіі, такое рашэнне было прынята для бяспекі былога прэзідэнта.
«Саакашвілі спыніў лячэнне, і яго перавод на судовы працэс і прысутнасць уяўляюць дадатковую рызыку для яго здароўя», — цытуе ТАСС заяву Мінюста Грузіі.
Саакашвілі 1 кастрычніка быў арыштаваны ў Грузіі, куды вярнуўся праз 8 гадоў эміграцыі. Былы прэзідэнт пасля арышту аб'явіў галадоўку. На 39-ы дзень галадоўкі яго перавялі ў турэмны шпіталь, аднак прымаць медыцынскую дапамогу Саакашвілі адмовіўся.
Каментары