Прайшлі 18 месяцаў з моманту затрымання Эдуарда Бабарыкі. Па заканчэнні гэтага тэрміну абвінавачаны павінен быць вызвалены
Учора, 17 снежня, прайшло роўна 18 месяцаў з моманту затрымання Эдуарда Бабарыкі, паведамляе каманда Віктара Бабарыкі.
У адпаведнасці з дзеючым Крымінальна-працэсуальным кодэксам, гэта максімальны тэрмін, на працягу якога можна ўтрымліваць асобу пад вартай падчас папярэдняга следства. Па заканчэнні 18 месяцаў абвінавачаны павінен быць вызвалены. Але Эдуард на волю так і не выйшаў.
Заканадаўства дазваляе падаўжаць утрыманне пад вартай звыш 18 месяцаў, калі папярэдняе расследаванне завершанае, а матэрыялы крымінальнай справы прадастаўленыя абвінавачанаму і адвакатам для азнаямлення.
Аднак дакладнай інфармацыі на гэты конт няма: адвакаты Эдуарда не каментуюць сітуацыю ў сувязі з падпіскай аб неразгалошванні.
Эдуард Бабарыка быў затрыманы разам з бацькам Віктарам Бабарыкам 18 чэрвеня 2020 года. Ён быў у камандзе бацькі, які спрабаваў зарэгістравацца кандыдатам у прэзідэнты.
21 чэрвеня Эдуарду Бабрыку было прад'яўленае абвінавачванне па ч. 2 арт. 243 КК («Ухіленне ад выплаты падаткаў і збораў, што пацягнула прычыненне шкоды ў асабліва буйным памеры»).
Віктару Бабарыку прысудзілі 14 гадоў зняволення.
«Людзі аказаліся важнейшымі за ўласныя страхі». Вядомая адвакатка Наталля Мацкевіч пра ААН і Ціханоўскага, справу Бабарыкі і будучыню права ў Беларусі
Бабарыка з калоніі: Зайздрошчу ўсім, хто бачыў Беларусь, якая выйшла на сустрэчу са свабодай
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары