«Нашы кампаніі змогуць прыстойна зарабіць на рынку ўгнаенняў». Пуцін сустрэўся з гендырэктарам «Уралхіма»
Кіраўнік Расіі лічыць, што кампаніі з Расіі могуць прыстойна зарабіць на ўгнаеннях з улікам сітуацыі на сусветным рынку. Аб гэтым ён заявіў на сустрэчы з гендырэктарам «Уралхіма» Дзмітрыем Мазепіным.
«Нашы мэты заключаюцца не ў тым, каб не даць магчымасць тым, хто здабывае ўгнаенні ўнутры краіны, атрымліваць адпаведны прыбытак, карыстаючыся кан'юнктурай на рынку, а ў тым, каб забяспечваць свой уласны рынак неабходным аб'ёмам угнаенняў для сельскай гаспадаркі. Я думаю, што і тая, і іншая задачы вырашальныя, хоць на першы погляд здаецца, што яны ўзаемавыключальныя. Тым не менш, карыстаючыся кан'юнктурай, нашы кампаніі змогуць прыстойна зарабіць, але перш за ўсё, вядома, павінны будуць забяспечыць унутраны рынак», — прыводзіць словы Пуціна прэс-служба Крамля.
Мазепін праінфармаваў Пуціна аб сітуацыі на сусветным рынку угнаенняў. Па яго словах, цэны выраслі. Найбуйнейшымі спажыўцамі ў свеце застаюцца Кітай, Бразілія, ЗША, Еўропа і Індыя. Пры гэтым цэны сталі занадта высокімі для афрыканскіх спажыўцоў.
«Мы зацікаўленыя ў працы ў Афрыцы, але магчымасцяў у іх няма. Развітыя краіны або субсідуюць, альбо, наадварот, закрываюць свае рынкі», — сказаў Мазепін.
Ён дадаў, што Канада цяпер дзвюма кампаніямі кантралюе 30% сусветнага рынку калійных угнаенняў, на Расію і Беларусь прыпадае па 18%. Кітай таксама здабывае калій, але не экспартуе яго, а наадварот з'яўляецца імпарцёрам. Усяго КНР спажывае 16 млн т. угнаенняў, а вырабляе 8 млн т.
У той жа час у «Беларуськалія» магчымыя праблемы праз адмову Літоўскай чыгункі транспартаваць беларускія ўгнаенні. Прэс-сакратар Крамля Пяскоў сёння сказаў, што Масква Мінск не пакіне, але адмовіўся адказаць, ці дапаможа з транспарціроўкай угнаенняў праз Расію.
З 1 лютага Літва скасуе пагадненне паміж Літоўскай чыгункай і «Беларуськаліем»
«Гэта быў асноўны лагістычны калідор». Як цяпер «Беларуськалій» будзе пастаўляць прадукцыю на экспарт?
Літоўская чыгунка: скасаванне кантракта на пастаўку беларускага калію не азначае спынення транзіту ўгнаенняў
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары