Льготны перыяд па расійскіх знешніх аблігацыях 2023 і 2043 гадоў заканчваецца 15 красавіка — шанцы Расіі ажыццявіць выплаты ўсё менш, і пратэрміноўка ў красавіку азначае дэфолт «як у Венесуэле».
Пра гэта паведамляе Bloomberg са спасылкай на Саймана Вейвера, прадстаўніка Morgan Stanley.
Паводле Morgan Stanley, шанцы Расіі ажыццявіць выплаты па вонкавых абавязках памяншаюцца, паколькі цэны на аблігацыі падаюць, у краіне надыходзіць рэцэсія і нарастаюць абмежаванні выплат пасля ўварвання ва Украіну.
«Мы бачым дэфолт як самы імаверны сцэнар», — напісаў Вейвер. «У выпадку дэфолту, наўрад ці сітуацыя будзе звычайнай — параўнанне з Венесуэлай будзе найбольш дакладным».
Дэфолт можа наступіць ужо 15 красавіка, калі скончыцца 30-дзённы льготны перыяд па выплатах.
Цяпер чытаюць
Андрэй Швед, архітэктар рэпрэсій, прызначаны старшынёй Вярхоўнага суда24
Каментары