Ці заблакуюць Ютуб у Беларусі? Вось што пра гэта казалі на нарадзе ў Лукашэнкі
Лукашэнка сёння правёў нараду па пытаннях дзейнасці СМІ ў Беларусі
Ён заявіў, што афіцыйныя Мінск і Маскву дэманізуюць перад астатнім светам, пераплёўваючы Шарпа (аўтар кніг пра барацьбу з аўтарытарнымі рэжымамі) і Гебельса, а «на людзей з інтэрнэта льюцца патокі самай нахабнай і дзікай хлусні».
«Забытыя ўсе прыстойнасці. Пра нормы журналістыкі, прафесійную адказнасць наогул ніхто не ўспамінае. Гэта паўнамаштабная інфармацыйная вайна — за розумы нашых людзей, за будучыню дзяцей. Мы прайграць гэтую вайну не можам. Мы і не павінны яе прайграць, калі не дапусцім глабальных памылак».
Лукашэнка таксама задаўся пытаннем, ці варта блакаваць Ютуб і сацыяльныя сеткі ў Беларусі
«Вядома, заблакаваць вядучыя пляцоўкі — YouTube, некаторыя сацыяльныя сеткі, — як гэта зрабілі ў Расіі, або паставіць «Залаты шчыт», як у Кітаі, тэарэтычна, магчыма. У любы час. Але я вас заклікаю да таго, што, перш чым зрабіць нейкі крок, давайце ўзважым за і супраць, што мы атрымаем ад гэтага. Калі там, і ўсё, што там робіцца, на шкоду і ў перспектыве яшчэ большая будзе шкода, тады прымайце рашэнне. Калі пакуль да гэтага не дайшло, давайце пачакаем, давайце не будзем спяшацца», — сказаў ён.
Лукашэнка дадаў, што пры прыняцці рашэнняў заўсёды трэба дзейнічаць акуратна, каб потым не хапацца за галаву. «Трэба прымаць узважаныя рашэнні. Развіваць свае рэсурсы. А мы ўмеем гэта рабіць. Думаю, развіваць трэба свае рэсурсы, у тым ліку разам і з расіянамі».
Цяпер чытаюць
За «экстрэмісцкія» падпіскі пры праверцы на мяжы больш не саджаюць на суткі11
Каментары