Вялікабрытанія, акажа любую дапамогу, аж да ваеннай, Швецыі і Фінляндыі, якія цяпер разглядаюць магчымасць уступлення ў НАТА, калі яны падвергнуцца агрэсіі трэцяй краіны. Пра гэта гаворыцца ў дзвюх сумесных дэкларацыях, падпісаных у сераду брытанскім прэм'ерам у Стакгольме і затым у Хельсінкі, піша Бі-бі-сі. У тэксце дакументаў таксама пацвярджаецца агульная пазіцыя гэтых краін у кантэксце расійскай агрэсіі супраць Украіны.
Брытанскі прэм'ер Борыс Джонсан і прэм'ер-міністр Швецыі Магдалена Андэрсан падпісалі дэкларацыю аб узаемадапамозе ў абароне на выпадак нападу.
«Калі б Швецыя падвергнулася нападу і звярнулася да нас за падтрымкай, мы б яе далі», — сказаў Джонсан журналістам на сумеснай прэс-канферэнцыі ў Стакгольме.
У адпаведнасці з палітычнай дэкларацыяй салідарнасці, «калі якая-небудзь краіна пацерпіць ад стыхійнага бедства або нападу, Вялікабрытанія і Швецыя будуць дапамагаць адна адной рознымі спосабамі. Падтрымка будзе аказвацца па запыце пацярпелай краіны і можа ўключаць вайсковыя рэсурсы», — дадала Андэрсан.
Пазней у сераду Джонсан падпісаў аналагічную дэкларацыю ў Хельсінкі.
У найбліжэйшыя дні Швецыя і Фінляндыя павінны вырашыць, ці адмаўляцца ім ад дзесяцігоддзяў (а для Швецыі і стагоддзяў) вайсковага недалучэння і ўступаць у НАТА.
Пераасэнсаваць метады абароны абедзве краіны прымушае напад Расіі на Украіну. Чакаецца, што абедзве краіны ўступяць у НАТА.
Баючыся рэакцыі Расіі, якая выступае супраць любога пашырэння НАТА, дзве скандынаўскія краіны дамагаліся ад членаў НАТА гарантый бяспекі, што яны будуць абароненыя ў прамежкавы перыяд паміж падачай заяўкі і атрыманнем паўнапраўнага членства — што можа заняць да года.
Цяпер чытаюць
Арыштаваны міністр прыродных рэсурсаў выбраў «стратэгію Брыло»1
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары