Ва ўдавы Зельцэра, імаверна, псіхічны разлад пасля забойства мужа — яе будуць судзіць як бессвядомую
31 мая пачнецца закрыты суд над Марыяй Успенскай — удавой забітага пры перастрэлцы з сілавікамі праграміста Андрэя Зельцэра. Як вынікае з удакладнення на сайце суда, яе будуць судзіць як «асобу, якая здзейсніла грамадска-небяспечны ўчынак».
Згодна з п.13 арт. 6 УПК, такая фармулёўка выкарыстоўваецца, калі асуджанага судзяць як бессвядомага. Пры гэтым стан бессвядомасці можа быць як у момант здзяйснення злачынства, так і, як кажа закон, у выпадку, калі асоба захварэла на псіхічны разлад пасля.
У такіх выпадках выносіцца не прысуд, а пастанова з тэрмінамі лячэння. Або, калі чалавек захварэў на псіхічны разлад пасля затрымання, яго павінны будуць пераасудзіць пасля таго, як ён адужае.
На пачатку снежня 2021-га стала вядома, што Марыя тры тыдні правяла ў Навінках — яе туды адпраўлялі, каб правесці псіхіятрычную экспертызу.
Судовы працэс будзе весці суддзя Валянціна Зянькевіч. Марыю абвінавачваюць у саўдзеле ў забойстве супрацоўніка КДБ Дзмітрыя Федасюка па ч. 2 арт. 139 Крымінальнага кодэкса.
У жанчыны ёсць непаўнагадовы сын ад першага шлюбу.
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў77
Каментары