Жыхар мястэчка Лапічы на Беласточчыне, які жыве за некалькі кіламетраў ад польска-беларускай мяжы, аддасць свой пазадарожнік беларускім вайскоўцам з палка Каліноўскага, паведамляе Mostmedia.io.
Матэвуш Вадзінскі з мястэчка Лапічы ў Падляшскім ваяводстве збіраецца перадаць свой аўтамабіль Suzuki Grand Vitara 2005 года выпуску беларускім байцам з палка Каліноўскага. Машына каштуе некалькі дзясяткаў тысяч злотых.
Мужчына разумее, што яго машына, хутчэй за ўсё, не вернецца з вайны і застанецца дзе-небудзь на паўднёвым усходзе Украіны, але гэта яго не стрымлівае.
— Збіраюся аддаць машыну ў добраахвотніцкі полк беларусаў, якія ваююць у раёне Мікалаева. Па-першае, таму што яны ваююць супраць Расіі, якая ўварвалася ва Украіну.
Па-другое, яны кажуць, што пасля вайны ва Украіне забяруць у Лукашэнкі свой дом Беларусь. А як вядома, Лукашэнка нясе поўную адказнасць за крызіс на нашай усходняй мяжы, і з ім беларусы змагаюцца да сённяшняга дня.
Таксама Матэвуш Вадзінскі вядзе дадатковы збор грошай на закупку аўтамабіляў для ўкраінскіх вайскоўцаў. Сабрана ўжо больш за 34 тысячы злотых са 100.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары