Нямецкі міністр: Верыць Пуціну ў справе транзіту збожжа — тое самае, што верыць у Санта-Клауса
Міністр сельскай гаспадаркі Германіі Джэм Оздэмір у панядзелак скептычна паставіўся да магчымай здзелкі паміж Украінай і Расіяй аб экспарце ўкраінскіх прадуктаў марскім шляхам. Пра гэта паведамляе выданне Politico.
«Я не думаю, што з гэтага многае атрымаецца, бо [гэта] грунтуецца на словах Пуціна, [якія] не каштуюць паперы, на якой напісаныя.
Калі вы ўсё яшчэ верыце слову Пуціна, можаце з такім жа поспехам паверыць у Санта-Клаўса або велікоднага зайца. Прыкладна такі ж узровень сур'ёзнасці і дакладнасці», — заявіў Оздэмір.
Міністр у той жа час заклікаў Еўрапейскую камісію быць больш актыўнай у павелічэнні экспарту ўкраінскага збожжа аўтамабільным і чыгуначным транспартам — нават нягледзячы на тое, што сухапутнымі маршрутамі, як лічыцца, немагчыма перавозіць такую ж колькасць збожжа, як па Чорным моры.
«Суседнія краіны і асобныя дзяржавы-члены не могуць зрабіць гэта самастойна. Для гэтага патрабуецца кіраўніцтва Камісіі», — сказаў Оздэмір, заклікаўшы Брусель арганізаваць стварэнне «пастаяннага альтэрнатыўнага маршруту для экспарту збожжа з Украіны».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў3
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары