У Еўрасаюзе вытворцаў смартфонаў абавяжуць павялічыць жыццёвы цыкл гаджэтаў
Еўрапейская камісія разглядае законапраект, які мае на мэце зрабіць больш жорсткімі патрабаванні да вытворцаў смартфонаў. Яны мусяць клапаціцца пра тое, каб іх прыстасаванні маглі служыць карыстальнікам як мага даўжэй.
У прыватнасці, мяркуецца абавязаць вытворцаў на працягу 5 гадоў пасля выпуску прылады забяспечваць сэрвісныя цэнтры і майстэрні дэталямі, якія дазволяць замяняць у іх батарэю, дысплей, раз'ёмы для SIM-карт і картаў памяці і г. д.
Таксама вытворцаў абавяжуць павялічыць тэрмін службы акумулятара, гарантаваўшы, што батарэі захаваюць 80% намінальнай ёмістасці пасля 1000 поўных цыклаў зарадкі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ