На ўроках гісторыі ў школах будуць яшчэ больш дэманізаваць Польшчу
Дырэктар Нацыянальнага інстытута адукацыі Валянціна Гінчук у праекце БелТА «Краіна гаворыць» расказала, якія змены ўнеслі ў праграму па гісторыі Беларусі.
Гінчук адзначыла, што сістэма адукацыі вельмі дынамічна рэагуе на запыты і выклікі сучаснага грамадства, і таму палітычныя падзеі апошніх гадоў прымусілі ўзмацніць акцэнты на некаторых тэмах.
Так, паводле яе, у вучэбную праграму для 11-га класа цяпер уключаныя пытанні, звязаныя з сацыяльна-эканамічнай палітыкай польскіх уладаў на тэрыторыі Заходняй Беларусі і нацыянальнай палітыкай.
Прытым, паводле Валянціны Гінчук: «Для таго, каб нашы вучні і маладое пакаленне разумелі значнасць даты 17 верасня, якая стала пачаткам уз'яднання заходнебеларускіх зямель з усходнімі, з БССР, мы арыентуем педагогаў на тое, што трэба не проста трансляваць інфармацыю аб тым, якім было становішча Заходняй Беларусі ў складзе Польшчы, але і прапаноўваць вучням пытанні, якія нацэльваюць на ацэначныя меркаванні, на тое, каб вучні ў тым ліку выказвалі сваё меркаванне аб тым, што яны думаюць наконт становішча Заходняй Беларусі ў складзе Польшчы і адпаведна рабілі свае высновы.
Вось гэтыя ацэначныя меркаванні сфарміруюць з часам разуменне вучнямі значнасці гэтай даты для Беларусі».
Таксама чыноўніца паведаміла, што цяпер у школах праходзяць урокі памяці, на якія запрашаюцца «грамадскія дзеячы з рэгіёнаў, якія, можа быць, яшчэ памятаюць тыя падзеі, ці дзеці тых, якія памяталі падзеі 1939 года і тое, што адбывалася на тэрыторыі Заходняй Беларусі да 1939 года».
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары