Лукашэнка прызначыў новага міністра прамысловасці і зрабіў шэраг іншых кадравых змен

Месца міністра прамысловасці было вакантным пасля таго, як папярэдняга міністра Пятра Пархомчыка павысілі да віцэ-прэм’ера.

Памочнікам-інспектарам па кадрах па Гомельскай вобласці прызначаны Сяргей Барташ, які да гэтага кіраваў Бярозаўскім раёнам.

Прызначэнні ў рэгіёнах

Аляксандр Лукашэнка даў згоду на прызначэнне

Міхаіла Бацэнкі старшынёй Баранавіцкага гарвыканкама,

Сяргея Ярца — старшынёй Жлобінскага райвыканкама,

Сяргея Даўгалёва — старшынёй Рэчыцкага райвыканкама,

Ірыны Намочанкі — старшынёй Кастрычніцкага райвыканкама,

Алега Таргонскага — старшынёй Лоеўскага райвыканкама,

Сяргея Дылюка — старшынёй Лельчыцкага райвыканкама,

Уладзіміра Антоненкі — старшынёй Нараўлянскага райвыканкама,

Валерыя Хелскага — старшынёй Гродзенскага райвыканкама,

Аляксандра Студнева— старшынёй Магілёўскага гарвыканкама,

Ігара Кісяля — старшынёй Бабруйскага гарвыканкама,

Андрэя Кажамякіна — старшынёй Слаўгарадскага райвыканкама,

Вольгі Прыстромскай — старшынёй Бялыніцкага райвыканкама.

Прызначэнні ў міністэрствах

Алег Швец узгоднены на пасаду першага намесніка міністра архітэктуры і будаўніцтва. Раней ён працаваў на пасадзе намесніка міністра. 

У сваю чаргу Аляксандр Шваюноў зойме пасаду намесніка міністра пасля працы на пасадзе першага намесніка начальніка спецыялізаванай інспекцыі Дэпартамента кантролю і нагляду за будаўніцтвам Дзяржаўнага камітэта па стандартызацыі.

Абнаўленні ёсць і ў кіраўніцтве Міністэрства прыродных рэсурсаў і аховы навакольнага асяроддзя. 

Пасаду першага намесніка міністра зойме Аляксандр Корбут. Раней ён працаваў на пасадзе намесніка міністра. Гэтую пасаду ў сваю чаргу зойме Іван Прыходзька, які да гэтага часу працаваў на пасадзе дырэктара Рэспубліканскага цэнтра дзяржаўнай экалагічнай экспертызы і павышэння кваліфікацыі кіруючых работнікаў і спецыялістаў.

Аляксандр Яфімаў узгоднены на пасаду намесніка міністра прамысловасці. Раней ён працаваў генеральным дырэктарам ААТ «АМКАДОР» — кіруючая кампанія холдынга».

Прызначэнне ў банкаўскай сферы

На пасаду старшыні праўлення ААТ «Беларускі банк развіцця і рэканструкцыі «Белінвестбанк» узгоднены Алег Казарэдаў, які да гэтага часу быў намеснікам старшыні праўлення ААТ «ААБ Беларусбанк».

Прызначэнні на прадпрыемствах

Андрэй Буйневіч зойме пасаду генеральнага дырэктара ААТ «ІНТЭГРАЛ» — кіруючая кампанія холдынга «ІНТЭГРАЛ». Да гэтага часу ён працаваў на пасадзе намесніка міністра прамысловасці.

Уладзімір Маркаў узгоднены на пасаду генеральнага дырэктара ААТ «Магілёўхімвалакно». Гэтую пасаду ён зойме пасля работы на пасадзе дырэктара ААТ «Завод горнага воску».

• 7
• 0
• 30
• 7
• 5
• 3
• 12
• 0