Дзеці з закрытымі чэрапна‑мазгавымі траўмамі, шматлікімі пераломамі, ударамі і драпінамі змешчаныя ў Ганцавіцкую бальніцу.
Як паведаміла начальнік аддзялення па агітацыі і прапагандзе абласной ДАІ Наталля Сахарчук, аварыя адбылася 30 верасня прыблізна ў 19.20 на вуліцы Будаўнікоў.
Аўтамабіль «Таёта‑Карола», якой кіраваў 41‑гадовы мужчына, учыніў наезд на двух хлопчыкаў дзевяці і васьмі гадоў, якія перабягалі праезную частку па нерэгуляваным пешаходным пераходзе.
Школьнікі з закрытымі чэрапна‑мазгавымі траўмамі, шматлікімі пераломамі, ударамі і драпінамі змешчаны ў Ганцавіцкую бальніцу. Іх стан урачы ацэньваюць як стабільна цяжкі. Паводле факту ДТЗ праводзіцца праверка.
З пачатку года на дарогах Брэсцкай вобласці адбылося 71 ДТЗ з удзелам дзяцей. Пяць з іх загінулі і 71 — атрымала траўмы рознай ступені цяжкасці.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай92
Каментары