Краіны G7 заклікалі Лукашэнку не ўцягваць Беларусь у вайну і паабяцалі «непасільныя дадатковыя выдаткі»
Міністры замежных спраў краін «Вялікай сямёркі» заклікалі Аляксандра Лукашэнку спыніць падтрымліваць расійскую вайну і не ўцягваць у яе Беларусь. Пра гэта гаворыцца ў сумеснай заяве па выніках іх сумеснага пасяджэння 4 лістапада ў нямецкім Мюнстары, піша «Еўрапейская праўда».
«Мы зноў заклікаем беларускія ўлады спыніць спрыяць расійскай агрэсіўнай вайне, у тым ліку дазваляць расійскім Узброеным сілам выкарыстоўваць беларускую тэрыторыю для запуску ракет, накіраваных на Украіну.
Калі беларускія ўлады будуць яшчэ больш наўпрост уцягваць Беларусь у вайну Расіі, G7 накладзе на рэжым непасільныя дадатковыя выдаткі», — гаворыцца ў заяве.
У заяве адзначаецца, што краіны G7 працягнуць накладаць эканамічныя санкцыі на Расію і іншыя краіны, фізічных або юрыдычных асоб, якія аказваюць ваенную падтрымку агрэсіўнай вайне Масквы. Некаторыя ўжо аказалі такую падтрымку — напрыклад, Іран, які даў Расіі беспілотныя лятаючыя апараты.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе7
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары