У Міністэрстве антыманапольнага рэгулявання і гандлю пракаментавалі скарачэнне асартыменту тавараў у некаторых крамах пасля прыняцця пастановы аб новым цэнавым рэгуляванні. Па словах намесніка міністра Андрэя Картуна, «сістэмнай прычыны складанасцяў з асартыментам няма, у кожнага яна свая».
У якасці прыкладу намеснік міністра прывёў бедны асартымент у нехарчовым сегменце ў адной з буйных гандлёвых сетак.
«Прычына ў тым, што суб'ект гаспадарання не паспеў пераацаніць некаторыя пазіцыі, — растлумачыў Картун. — Як толькі пераацэнка завяршаецца, са склада паступаюць тавары, запас там на 3-4 месяцы».
Каб не было праблем з асартыментам, міністэрства, маўляў, працягвае комплексную тлумачальную працу і выслухоўвае прапановы бізнэсу.
«Пастанова жывая, эвалюцыйная, мы будзем шліфаваць нейкія няроўнасці», — паабяцаў Картун.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары