Вывяржэнне вулкана ў Ціхім акіяне стала самым магутным у гісторыі
Выбух вулкана з назвай Хунга Тонга-Хунга Хаапай быў эквівалентны сотням атамных бомбаў.
Навукоўцы выявілі, што вывяржэнне падводнага вулкана ў раёне Тонга — ціхаакіянскай дзяржавы ў Палінезіі — стала самым магутным з калі-небудзь зафіксаваных сучасным абсталяваннем.
Вывяржэнне адбылося яшчэ ў студзені. Выбухам выкінула каля дзесяці кубічных кіламетраў камянёў і попелу, што адпавядае прыкладна 4 000 егіпецкім пірамідам. Ён быў настолькі гучным, што быў чуваць на Алясцы, якая знаходзіцца далей за 9 500 км. Вулкан выкінуў газ і попел амаль у космас, выкінуўшы іх на 55 км у мезасферу, вышэй за стратасферу Зямлі.
Вулкан вывяргаўся з сілай, эквівалентнай сотням атамных бомбаў, выклікаўшы цунамі, якое абляцела ўвесь свет з хвалямі, зафіксаванымі нават у Міжземным моры. На навакольных астравах былі разбураныя дамы, пляжныя курорты змытыя, мінімум шэсць чалавек загінулі, двое з іх — у Перу.
Вывяржэнне змяніла аблічча дна акіяна. Навукоўцы выявілі, што колькасць выкінутага вулканам матэрыялу эквівалентная 2,6 мільёнам басейнаў алімпійскага памеру.
Вывяржэнне вулкана Хунга Тонга-Хунга Хаапай параўноўваецца з вывяржэннем Кракатау ў Інданезіі ў 1883 годзе, у выніку якога загінулі дзясяткі тысяч чалавек. Шлейф попелу, які выйшаў з вулкана, утрымліваў амаль два кубічныя кіламетры часціц, якія заставаліся ў атмасферы месяцамі, выклікаючы захапляльныя заходы сонца нават у Новай Зеландыі. Кратар вулкана цяпер на 2 300 футаў глыбейшы, чым раней, паведамляе The Telegraph.
Патокі лавы, вулканічнага попелу і газаў, тэмпература якіх дасягае 1 000 °C перанеслі смецце з вулкана ўздоўж марскога дна як мінімум на 80 км. У прыватнасці, быў разарваны падводны кабель, які злучае Тонга з астатнім светам, нягледзячы на тое, што кабель знаходзіўся за 48 км ад вулкана і за вялікім узвышшам на марскім дне.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»9
Каментары
супадае з датамі падзей ва Украіне...