Калі ў Беларусі пачнуць прадаваць ёлкі да Новага года і за колькі
Масавы гандаль навагоднімі ёлкамі і соснамі разгорнецца ў Беларусі з 22 снежня, распавёў падчас прэс-канферэнцыі першы намеснік міністра лясной гаспадаркі Аляксандр Драгун, піша «Зеркала».
Пры гэтым у кожным рэгіёне вызначаны свае даты адкрыцця ёлачных базараў. Напрыклад, на Берасцейшчыне гандаль ёлкамі пачнецца 17 снежня, у Мінскай, Гродзенскай, Магілёўскай і Віцебскай абласцях — з 20 снежня, у Гомельскай — з 22-23 снежня.
«У лясніцтвах ёлку да метра можна будзе купіць ад 8 рублёў, да 2 м — ад 10 рублёў. На ёлачных кірмашах кошт будзе вышэйшы за кошт выдаткаў на лагістыку і дастаўку. Набыць навагодняе дрэва ў кадцы можна будзе ад 20 рублёў», — распавёў першы намеснік міністра.
Ён таксама адзначыў, што за незаконную рубку ў прыродаахоўных, рэкрэацыйна-аздараўленчых і ахоўных лясах пагражае штраф ад 5 да 30 базавых велічынь (ад 160 да 960 рублёў).
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары