За мінулыя суткі ў ДТЗ загінулі сем чалавек, у тым ліку дзіця.
За мінулыя суткі ў Беларусі ў ДТЗ загінулі сем чалавек, у тым ліку дзіця, 22 — атрымалі раненні.
Паводле інфармацыі ўпраўлення Дзяржаўтаінспекцыі МУС, аварыя, у якой загінула дзіця, адбылася паблізу вёскі Шчытамірычы Мінскага раёна каля 20 гадзін. 36‑гадовы мінчанін за рулём «Мерседэса» на высокай хуткасці не справіўся з кіраваннем. Аўтамабіль вынесла на абочыну, і ён наехаў на 45‑гадовую жанчыну і яе 12‑гадовую дачку, вучаніцу 6‑га класа.
Пешаходы ад атрыманых траўмаў памерлі.Пры аглядзе аўтамабіля высветлілася, што яго заднія шыны былі моцна зношаны і не адпавядалі патрабаванням бяспекі.
Адна з аварый са смяротным канцом адбылася паблізу вёскі Юшкавічы Свіслацкага раёна Гродзенскай вобласці ў 16 гадзін.
42‑гадовы мужчына за рулём «Рэно» выехаў на паласу сустрэчнага руху і сутыкнуўся з аўтамабілем «ГАЗ». У выніку вадзіцель «Рэно» і 20‑гадовая дачка, якая ехала з ім, загінулі. 42‑гадовая жонка вадзіцеля, 45‑гадовая сястра і 25‑гадовая жанчына, якія знаходзіліся ў аўтамабілі, з траўмамі змешчаны ў бальніцу.
У Мінску вадзіцель аўтамабіля «КІА» ў стане алкагольнага ап’янення ўчыніў наезд на 14‑гадовага падлетка, які пераходзіў праезную частку па нерэгулюваным пераходным пераходзе. Падлетак з траўмамі галавы і грудзей, пераломамі касцей дастаўлены ў бальніцу.
Дзяржаўтаінспекцыя заклікае вадзіцеляў звярнуць увагу на тэхнічны стан аўтамабіля і яго гатоўнасць да эксплуатацыі ў халодны сезон.
У прыватнасці, прапаноўваецца замяніць летнюю рызіну на зімовую, праверыць спраўнасць тармазной сістэмы, светлавых прыбораў, шклоачышчальнікаў, прыстасавання абагрэву і абвявання шкла, заліць у шклоабмывальнікі незамярзальную вадкасць.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ18
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары