Але гэта не змяніла агульных суадносінаў беларуска- і расейскамоўных.
У сераду па тэлебачанні быў паказаны сюжэт, дзе кіраўнік краіны Аляксандр Лукашэнка назваў роднай як беларускую, так і расійскую мовы.
Адзначыўшы пры гэтым, што дома размаўляе яшчэ і на трасянцы. Пасля гэтага сюжэта некаторыя перапісчыкі заўважылі змену ў адказах людзей на пытанне аб роднай мове.
Так, са слоў перапісчыцы Асі Паплаўскай — студэнткі Інстытута журналістыкі БДУ — большасць сталых і сярэдняга веку людзей цяпер адказваюць, што родная не беларуская (як раней), а яны размаўляюць «як прэзідэнт».
«Учора, падчас перапісвання, людзі пачалі так адказваць. Я прасіла вызначыцца з якой‑кольвек адной мовай. Нельга пазначаць адразу дзве родныя. Людзі ў асноўным выбіралі беларускую. Прычым, гаворачы «як прэзідэнт», людзі былі абсалютна сур’ёзныя. Але ўвогуле, колькасць апытаных, што называлі роднай беларускую, пасля сюжэта са словамі Лукашэнкі не змянілася. Словы кіраўніка дзяржавы не паўплывалі на выбар людзей».
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення4
Каментары